Zunh Doz/Sermon

Fongc-Horqc Nyei Mouz Deic

2 Ko^lin^to 9:6-15

Zeuz, YauzSing 1

Hoqc taux fongc horqc nyei mouz deic. Naaic nyei waac se, Tin-Hungh zoux haaix nyungc oix meih fongc-horqc? Ninh qiemx longc meih nyei zinh nyaanh fai? Tin-Hungh maiv qiemx zuqc haaix nyungc. Nyungc-nyungc se ninh nyei? Wuov nyungc mbuo zoux haaix nyungc fongc-horqc dongh mbuo longc qaqv bietv daaih nyei nyanh yiem buoqc zangc nyei ziangh hoc? Se gorngv Tin-Hungh maiv qiemx zuqc longc ninh zoux haaix nyungc heuc mbuo fongc horqc? Mbuo nyei zinh nyanh caux mbuo hnangv haaix nor buoqc zangc maaih haaix nyungc fih hnangv?

Mbuo oix longc ziangh hoc juangc jienv hoqc taux fongc-horqc nyei mouz deic, weic haaix nyungc mbuo fongc-horqc, Tin-Hungh nyei waac hnangv haaix nor gorngv taux fongc-horqc nyei eix-leiz, mbuo mangc fongc-horqc nyei camv nyungc, nyungc zeiv yiem Ging-sou ziouc haih zuotc duqv horpc.

Ging-sou gorngv camv nyei taux nyanh nyei jauv. Da’yietv ging-sou gorngv mengh yietc zungv zinh nyanh se Tin-Hungh nyei (Hakv^gai 2:8 Nernh Jiex nyei Ziouv gorngv, ‘Jiem se yie nyei. Nyaanh yaac yie nyei.) Weic ninh zeix nyungc nyungc daaih, lungh ndau ninh nyei. Da’nyeic, Tin-Hungh bun meinh maaih banc zeic butv zoih, Yiem Nzamc Leiz Latc 8:18. Tin-Hungh bun mienh maaih banc zeic butv zoih, mv baac maaih deix laix oix zuqc butv zoih zuqc kouv (1 Ti^mo^tai 6:9; Matv^tai 6:24)

Introduction/Gorngv Jiex Gorn Waac:

2

A. Fongc horqc nyei mouz deic 1. Yiem Loz Ngaengc Waac nyei ziangh hoc maaih mienh bun

ziepc gouv nyei yietc gouv weic zuqc leiz, hnangv aapv bun nor, Mv baac maaih mienh yaac buangv hnyouv buangv eix nyei fongc –horc yaac maaih nyei. Yiem 1 Zunh Doic Douh 29:9, Zuangx baeqc fingx ziouc a'hneiv weic zuqc naaiv deix mienh buangv hnyouv cuotv fim fongc horc bun ZIOUV. Ndaawitv Hungh yaac za'gengh njien-youh haic aqv. Ninh mbuo a’hneiv fongc-horqc weic ceix Zangc Tin-Hungh nyei dorngx.

2. Yiem Siang-Ngaengc waac nyei ziangh hoc, Ging-sou njaaux taux Buangv hnyouv buangv eix caux a’hneiv nyei fongc horqc (2 Ko^Lin^to 9:7)

3. Sienx Yesu nyei mienh buangc zuqc bei nyungc taux nyaanh nyei jauv. Da’yietv nyungc, ninh mbuo hnangv haaix nor buatc/hnamv taux/mangc taux nyanh. Da’nyeic, Ninh mbuo hnangv haaix nor lorz nyanh, Da’faam, ninh mbuo hnangv haaix nor longc nyanh, Da’feix ninh mbuo hnangv haaix nor fongc-horc nyanh.

4. Weic haaix nyungc sienx Yesu mienh fongc-horqc? Weic zuqc nyaanh fongc horqc nyei se benx ndorqc taux mbuo nyei sienx fim. Mbuo hnangv haaix nor fongc-horqc biux mengh mbuo hnangv wuov nor zieqv duqv mbuo nyei Ziouv, zieqv duqv ninh nyei en zingh, zieqv duqv mbuo se benx goux nyei mienh hnangv. 3

B. Fongc horqc nyei eix-leiz 1. Fongc-horqc se caux Tin-Hungh zoux sa’eix (Lugaa 6:38; Matv^tai 6:19) 2. Fongc-hoqc oix zuqc siev (maiv zeiz ba’ziex, mv baac ndongc haaix jaaix

bun meih (Maako 12:41-44 ) 3. Fongc-horqc se maiv zeiz gorngv se gorngv yie maaih camv nor…Maiv

zuqc maaih camv cingx fongc-horqc. maaih mienh hnamv gorngv, se gorngv yie maaih camv nor yie bun camv nyei lorqc…maaih zoqc maiv fongc-horqc maaih camv gauh maiv oix fongc-horqc. (Lugaa 16:10 “Haaix dauh yiem faix-fiuv sic zoux duqv zingx, yiem hlo nyei sic yaac zoux duqv zingx. Se gorngv faix-fiuv sic zoux maiv zingx, hlo nyei sic yaac zoux maiv zingx aqv”

4. Fongc-horqc zinh nyaanh duqv zien zinh zoih. Lugaa 16.:11 Se gorngv baamh gen nyei zinh nyaanh meih mbuo goux maiv zingx, haaix dauh oix bun meih mbuo goux zien zinh zoih? Naaiv yiemc ging-sou mengh nyei gorngv se gorngv mbuo maiv zingx taux nyaanh nyei jauv mbuo maiv haih duqv zien zinh zoih.

5. Fongc-horqc se ganh oix zuqc ginv fai dingc hnyouv zoux. “Mouz dauh oix zuqc bun ziux ganh nyei hnyouv dingc oix bun nyei. Bun yaac oix zuqc buangv hnyouv, maiv dungx korv-fiqv, weic zuqc Tin-Hungh hnamv nyei se nqoi eix bun nyei mienh” (2 Ko^lin^to 9:7),

4

C. Fongc horqc nyei nyungc zeiv 1. Fongc-horqc nyei nyungc zeiv, doix dekc taux baamh

mienh hnamv nyei. Baamh mienh gorngv duqv zipv mienh fongc horqc nyei se duqv fuqv, Ging-sou ogrngv, Fongc-horqc nyei mienh gauh duqv fuqv zipv nyei mienh. (Gong-zoh 20:35)

2. Fongc-horqc nyei nyungc zeiv yiem zinh ndangc nyei jiu-bang. (Gong-zoh 2: 43-47 )

3. Fongc horqc nyei nyungc zeiv yiem Yesu Giduc, ninh siev ninh ganh nyei maengc. (Matv^tai 20:28;Maako 10:45;1 Ti^mo^tai 2:6)

4. Mienh fongc horqc nyei biux mengh ninh mbuo sienx nyei. (Maaih dauh m’sieqv dorn dorh ninh nyei sieqv mingh mangc fangx naangh..$10. Mingh taux buoqc zangc nyei ziangh hoc taux fongc horqc buatc mienh bun jienv bienh jiex, ninh zorqv $1 an. Ninh nyei sieqv nuqv-nuqv nyei mangc jienv ninh ziouc gorngv “maa daaih naaiv buoqc zangc se gauh zanc deix mingh mangc fangx naangh orqc…” 5

Dorh Ging-sou daaih longc: 1. Tov Tin-Hungh bun mbuo, Jiu-Bang mienh, maiv zeiz weic leiz, maiv

zeiz zuqc aapv, maiv zeiz hnamv maiv jiex eix fongc-horqc, mv baac weic mbuo maaih hnyouv hnamv Ziouv, maaih hnyouv fu-sux Ziouv, maaih hnyouv zieqv duqv en zingh ziouc fongc-horqc. Mbuo fongc-horqc nyei ziangh hoc za’gengh a’hneiv yaac buangv hnyouv. Weic mbuo hnamv oix butv Tin-dorngh nyei Zoih, maiv zeiz baamh gen nyei zoih. “Haaix dauh gan longx Tin-Hungh yaac buangv hnyouv ninh maaih nyei, wuov dauh za'gengh butv zoih” (1 Ti^mo^tai 6:6)

2. Fongc-horqc se hnangv zuangx nyim nor, Haaix dauh zuangx zoqc ziouc siou duqv zoqc. Haaix dauh zuangx camv ziouc siou duqv camv (2 Ko^lin^to 9:6) Weic naaiv maiv dungx njapv zuangx camv bun, bun camv deix, fongc horqc camv deix weic siou jaaix nyei ga’naaiv yiem Tin-Dorngh

3. Meih mbuo bun haaix nyungc mienh, Tin-Hungh yaac oix winh bun meih mbuo, zungv oix dox bun meih mbuo gauh camv, zatv yuonh, nqamv zietc, hlaau ningx taux yiem maiv jienv. Meih mbuo longc haaix nyungc hlaau bun mienh, Tin-Hungh yaac oix longc wuov nyungc hlaau bun meih mbuo.” Lugaa 6:38) Mbuo maiv maaih hnoi haih bun Ziouv ndongc ninh bun mbuo nyei..

4. Laengz zingh Zangc Diex bun Ziouv Yesu daaih siev ninh ganh nyei maengc weic mbuo bun mbuo haih fongc horqc ganh nyei ziangh maengc, zingh ginx, Zingh nyeic, ziangh hoc, caux Zinh nyaanh

6