DENESULINE / DENESULINE

Dadanedhe Coronavirus Disease (COVID-19) hulyé SEKUI ɁEDIRI DADANEDHÉ COVID-19 ɁA BORĮDHER DÉ NEKUĘ BENAKANĮŁNĮ: YATI T’ĄT’U BOGHĮŁNĮ

HA HOLĮ NEBA

Sekuı yası ɂedırı dadanedhé COVID-19 heredı hıja dé nekuę nadher dé t’ąt’u benakanelnı t’ats’ęn sughua hanadé ts’ęn ɂeya kuę nądher ch’á bets’enénı ha ɂedırı yatıé t’a. Ku nęn xaré neyası benakanıłnı dé nekuę t’oho ɂedıre dadanedhé COVID-19 ɂa yası borıdher dé, hotıe ɂedırı ttheré ɂası nełtsı hoɂą t’ąt’u neyası benakanıłnı ha degharé ɂedoghųłnı hoɂą nekuę, t’ok’e nenaré dene naradé sı ba hoghıłnı tth’ı hoɂą ɂeyı t’a borędé ch’á.

Ku dene ɂedırı dadanedhé COVID-19 ɂa heredı neba dųt’é ha - Denetth’ıthelé natser - Dıłk’oth hu - Nejı neba horená ha

Neyası hotıé boghųłnı la ɂedırı ląt’é ɂasıé ha - Neyası hotıé beł t’ahúɂąsı ba boghųłnı ɂedırı detł’ıs ɂeją bası symptoms ku dene nakoghodı dene

t’anełnı sı hotıé beyatıé k’e ɂası hųłtsı la ɂeją dene nakoghodı dene beyatıé k’é ɂeją Public Health Authority.

- Ku hoɂąsı due haja dé ha hotıé boghųłnı la, nałtła hejı hıjá dé hu, hejı heręłt’ele hu, ɂası henerenıle hıja hu, nųłtth’ıhılé hıjá de, betth’ı delghalé betth’ıdhelé natser haja chu k’aɂų hanelé hu naıdı beghaıchu kulı (e.g. ibuprofen hu, denetth’ı ɂeya naıdıé acetaminophen hu) nake ch’adhel 12 sadzıe horıłdzaı kulı.

- KU NEYASÉ ɁEDIRI HEŁ HOɁĄSÍ DUE HAJÁ, KU DĄNE 911 TS’ĘN DŲŁTSI HUTO T’OK’E DENE NAKOGHODÍ WALÍ SI TS’ĘN DŲŁTSÍ LA

2

- Ku ɂeya beschęnęn ts’ęn dıłtser dé, ku dąne t’ą dene phone nırıɂąsı neyası ɂedırı dadanedhé COVID-19 ɂa borıdher helųnı la. Ku nęn xare ɂeya kuę ts’ıgal dé nebeschęnę ye, hotthe ts’ęn tth’u ɂeya kuę t’ą beł yanełtı sı neyasé ɂedırı dadanedhe COVID-19 ɂa borıdher helųnı la.

Nela hoketł’a bek’enołtsıł la - Wash your hands nela chu neyasé bela hoketł’a bek’enołtsıł la datłagh chu tu heł k’asjęnę 20

seconds hots’ęn, neyasé berethıdı tł’ąghé dé (e.g. betthąnę nąnıłchuth hutó tł’ąghe hu) nejısé ye harıłnı tł’ąghé de.

- Ku datłagh chu tu hųlılé dé nela k’enaıłtsıł nela dıdzıné hılé dekulı, ɂası beyé alcohol-hųlı sı bet’a dene la k’enaldé ha t’orųłɂá la (ABHS) beyé 60% alcohol hųlı heł. Ku nela dıdzıné lahot’ı dé bek’enołtsıł hu nela k’enołdé ɂası beyé ABHS hųlı hel.

- Nela k’onǫłdé ɂerıhtł’ıs bet’a dene la k’enaldé ha t’a ɂądeł łını. - Ku hųlılé dé, t’asełdaı t’orųłɂá t’ats’ęn yası det’ur ts’ęn ɂeyer dé ɂełnanųłchuth la. Dene heł bet’ot’ı

soną. - Nenaghé herųdı sona , nets’ı chu nedha tth’ı herųdı walé sǫną nela dıdzın de, neyasé tth’ı kąt’u

hónųłtąnı la benı herúdı soną, helųnı ɂedını tth’ı. Hotıe ɂedeghųłnı net’a dene borędé ch’á - Neyasé nekuę nadher de nezų ha t’oho bet’ası sanadher dé t’ok’e hotıe boghedı ɂeyer sódher,

bets’enı hel senódher soną, ɂeıhtł’ıs kuę tth’ı nąda ha dué denenısı tth’ı hoɂıh hoɂą hılé chu dene ch’ası 2 metre theyı hoɂą dene ts’ıdhılé nadher dé.

- Nets’ı ɂasıe t’a t’orıłɂa sı beł bet’ot’ı soną, denghu k’enałtsıł ha ɂasıé hu, t’asełdaı hu, teł hu, ɂası bet’a shets’etı chu phone hu kǫt’I ɂasıé.

- Ber chu ɂası ts’edą ɂeła hawųłé walé soną. - Tthenę tsąkuę hųlı de ɂeyı neyase yet’orúłɂa la ɂeyı k’ı. ku ɂeyı ha dué de, tsa kuę tılı naıłdıth ts’ęn

tth’u bedarųtą la. - Ku sekuı dene tth’ué ɂa begharé dı dé: sekuı denetth’ué ɂa bedarédı dé hotıé yet’a sughuéna ha

bek’oją sı, ɂałų bedharųnı la netth’ué t’orełɂa de ba nezų ha. Norędhı ch’a nenı k’e ɂası t’orųłɂa la norędhı ch’a.

- Ku tth’u nełtsı de neyası bá, hotıé t’a ɂası t’orıłɂá sı bet’a tth’u nełtsı sı hotıé bek’enǫłtsıl la tu nedhél ye t’oho bet’aıt’ı tł’ąghé ku tth’u tılé chu tth’u hedzelı ha ɂasıe ɂełá bet’orųłɂa soną.

Hotıe nuhenaré sehųłthęn la

- Nenı k’e t’a ɂası t’orıłther sı ɂeła ɂedırı heł, jıs chu t’a ɂasıe dıdzın sı ɂeła nųla la ɂası ye, ku ɂeyı hotıe bedarųtą hu ɂołdel la t’a ɂasıe nekuę hots’ı hel.

3

- Ku dałtagh beye ɂası due haja nıdhęn dé ɂası ye nųnıł la hųłxıs walé soną. Tu nedhél chu datłagh yé ɂası k’enǫłtsıl la (60-90°C hanedhel hots’ęn), hotıe narųshá. Ku yu chu tel t’ą sekuı yet’orıłther sı ɂeła bek’enałtsı honesı ɂasıé heł ɂesǫt’ele sı. Jıs chu denenı k’e ɂası t’a bet’ahot’ı sı t’oho yu t’a bet’ahot’ı sı bezıdı de ɂeyı ɂası t’oreɂá hoɂą.

- Ku ɂıła dzıné k’e ɂası k’enǫłdé la ɂeyer honaré ɂedırıe ɂeją detł’ıs sı t’a approved hard-surface disinfectant hotıe t’ok’e ɂası hezédı sı bek’e dadá ch’a (e.g., łes tıle hu, datłagh beyı k’onı hu, ɂełteghé ga ɂası hųlı, tıda k’e hu, phones chu tv bet’a naıłdeth ha ɂasıé hu). T’a ɂası hezıdı sı beyé ɂedırı 70% alcohol beye ɂası k’enaldé t’orųłɂá la

Hotıe ɂedoghųłnı - ɂıłaghe hut’a dene t’a sughuéna sı ɂeyı sekuı hoghełnı hawųlé la, nekuę t’a horelyų naradé sı ɂeyı

yatı k’e ɂası k’enadé dé nezų ha. - Ku dene t’a sughué nahılé sı borędhı ha boręnı dé ɂedırı dadanedhé COVID-19 t’a sekuı ɂedırı

dadanedhe COVID-19 ɂa ba ɂeyá sı hoghęłnı ha dué sı. Ku t’ą ɂąłnedhé tth’ı hats’edı sı, t’ą sughué nahılé tth’ı hu(e.g., bedzıé ɂa sughué nahılé hu, bedełe ye sugá natser hu) huto ɂıghą dadá yedaręt’e łını.

- Ku dene ts’ıdhıle ha nıdhęn dé 2 metre sekuı ts’ıdhılé, mask t’orųłɂa, ɂejedheth jıs chu nenaghe k’e ɂası ɂawųt’ı la.

- ɂeyı t’a nenı chu jıs ɂıła hut’a bet’orųłɂa la. - Ku neba hoɂą de, neyası tth’ı ɂedır benı ha ɂası t’orełɂa nıdé nezų ha ba t’oho benakanıłnı de benı

chu t’a benı k’e yet’at’ı sı yerúdı soną. Ku nęn tth’ı hotıé ɂedughųłnı la norędhı ghonı dé ha - ku nel t’ahuɂą sı ha hotıe boghųłnı la ku ɂası herıdı dé t’ą dene nakoghodı dene t’anełnı sı yatı k’e ghųgal la t’oho ɂedųghųłnı ha nųnıdher dé. - Ku yası kulı ɂası herıdı hıja de kudąne tthenę ts’ęn nodher la, isolate ɂıghą tth’u kudąne t’ok’e dene

nakoghodı dene bets’ęn yawųłtı la ɂeją k’esı Public Health Authority t’anené ha ɂedırı t’á. Ku ɂedırı ɂasıe hathųlyá la

□ Denenı k’e ɂası ɂahot’ı ha mask hulyé (ɂıła hut’a bet’orųłthı) □ Nenaghé ha nąk’ere hathųlyá la (nąk’ere huto nenaghe ha ɂasıe) t’ą dene hoghełnı sı ba □ Jıs (ɂıła hut’a bet’a hot’ı) t’ą dene ts’enı sı □ ɂerıhtł’ıs bet’a dene la k’enaldé ha ɂałdelı łını □ Denetsı k’enaldé ha ɂerıhtł’ıs □ ɂası beyé k’onı ha ɂejedheth nąłcheth beyé heł

4

□ Denetth’ıdhelé hıłchu ha ɂasıé □ Naıdıé t’a nanı bet’oreɂá ha (e.g. denetth’ıhełts’aı ha ibuprofen huto denetthı ɂeya ha

acetaminophen) □ Tu hetł’el □ Dene la ha datłagh □ Alcohol-beye 60% alcohol hanarıłtser bet’a dene la k’enaldé ha □ Tth’aı ha datłagh □ Yu k’enaltsıł ha datłagh □ Yısı soreldhęn ha ɂası ɂłk’ech’a □ ɂıła hut’a bet’oredhı ha bet’a ɂası k’enaldé ha □ ɂası k’enaldé ha naıdısłıne, ku hųlılé dé, natser (5%) naıdı słıne hanarıłtser tılı ye dıtur bet’oreɂa

bet’a ɂası k’enaldé ha

□ Alcohol beye ɂası hųlı ɂası k’enaldé ha Horelyų ɂełt’seraıdı ɂa ɂedırı dadanedhé COVID-19 dzıredhı ch’a ɂeła dezą. Ku ɂałų beghą henerúnı nıdhęn dé ɂeją tsątsąne benı hųlı k’é nųłɂıh la Canada.ca/coronavirus hutó nanılé ɂeją ts’ęn dųłtsı 1-833-784-4397