1

KKKhhhuuutttbbbaaa

EEEiiiddd---UUUlll---FFFiiitttrrr

HADHRAT MUHYI-UD-DIN AL-

KHALIFATULLAH

MMMUUUNNNIIIRRR AAAHHHMMMAAADDD AAAZZZIIIMMM

26 Juin 2017 (1er Shawwal 1438 AH)

Après ki li fine salué tous so bane disciples (et tous bane Musulmans) entier le monde avec le Salaam - la Salutation de paix dans l’Islam - et

Eid Mubarak, Hazrat Khalifatullah (atba) fine lire Tashahhud, Ta’uz, Surah Al Fatiha, et ensuite li fine axé so Khutba Eid lor « Premier Eid-ul-Fitr de l’Islam »: Aujourd’hui, c’est le premier jour de Shawwal. Comme certains de nous bane frères et sœurs capave pas conné, Shawwal c’est le premier de bane trois mois ki nous appelle « Ashhur al-Hajj » (c’est-à-dire, bane mois de Hajj). Bien ki bane rites principal de Hajj zot déroule normalement dans bane dix premiers jours de Dhul-Hijjah, toute la période ki commence à partir de premier Shawwal (c’est-

2

à-dire, Eid-ul-Fitr) ziska dixième jour de Dhul-Hijjah (c’est-à-dire, Eid-ul-Adha) li considéré comme période de Hajj parski nous capave accompli certains de bane rites de Hajj à tout moment au cours de sa période là. Par exemple, le Tawaf-ul-Qudum (c’est-à-dire, le Tawaf ki accompli habituellement par bane ki reste en dehors de Makkah), suivi par le Sai’ de Hajj (c’est-à-dire, bane ti galo (marché rapide) ki faire sept fois entre bane collines de Safa et Marwa) pas capave être accompli avant Shawwal, alor ki li capave être accompli n’importe ki jour après le début de Shawwal. De même, ene ʻUmrah ki faire avant le mois de Shawwal pas capave être considéré comme ene « ʻUmrah de Tamattu », tandi ki ene ʻUmrah ki faire dans le mois de Shawwal capave être affiliée au Hajj, kot sa faire li vine ene Hajj-e-Tamattu. Tamattu veut littéralement dire, jouir ou profite d’ene facilité. Ene pèlerin ki accompli le Hajj de Tamattu combine tous les deux: ʻUmrah et Hajj aussi. De plus, ihram de Hajj pas capave commencé avant le mois de Shawwal, parski li ene pratique ki pas conseillé, li Makrouh. Pour sa bane raisons là, sa trois mois là fine appelé « bane mois de Hajj » et le mois de Shawwal ena la distinction pou être le premier de sa bane mois là. Alhamdulillah. Et aujourd’hui, le premier de Shawwal, c’est Eid-ul-Fitr. C’est vraiment ene grand bénédiction ki Allah fine accordé à l’Ummah (communauté) de So serviteur bien-aimé et le plus parfait de bane Messagers, Hazrat Muhammad (saws). Eid-ul-Fitr li composé de deux mots séparé, ʻEid’ et ʻFitr’. ʻEid’ veut dire ene bonheur ou ene fête ki révini de temps en temps et ʻFitr’ veut dire casse ou commence carême (le jeûne/ Roza). Par conséquent, Eid-ul-Fitr veut dire, sa fête de casse Roza ki révini de temps en temps. Eid-ul-Fitr c’est ene jour de remerciements kot nous - bane musulmans - nous réuni nous ensam dans ene l’atmosphère de fraternité et de joie comme ene congrégation unie pour remercier Allah ki Li fine aide nous pou rempli nous bane obligations spirituelles ki Li fine ordonné pour nous avant Eid. C’est aussi ene jour de victoire pour bane ki fine capave éloigne tous bane pensées et actions sataniques pendant le mois sacré de Ramadhan et fine jouir et profite de tous bane bonnes actions pour faire plaisir à Allah. En effet, si bane actes d’Ibaadat et bane bon actions de sa Ramadhan là fine terminé et ki nous fine fini faire Namaz Eid, mais bane Ibaadat d’ene croyant, d’ene musulman zamais pou fini ziska so la mort. Bane croyants zot tenu à garde bane bon valeurs et bane actions ki zot fine apprane pou maintenir pendant le mois béni de Ramadhan et pou maintenir zot en vie pour le reste de l’année ziska prochain Ramadhan et ainsi de suite ziska zot la mort. Ainsi, Ramadhan vini en tant ki ene

3

entraînement pour bane croyants afin pou garde zot lor le droit chemin et faire zot reste de sa façon là dans lizié d’Allah, touzour dans ene façon kot zot rempli de plaisir et dans la joie et ki Allah aussi content avec zot. Astaire, laisse nous guette couma le premier Eid-ul-Fitr dans l’Islam ti célébré. Li bon pour nous conné, en tant ki musulmans ki le premier Eid-ul-Fitr ti célébré par nous bien-aimé prophète Hazrat Muhammad (saws) dans deuxième l’année de Hijra (c’est-à-dire, voyage ki le Saint Prophète (saws) ti faire kot li ti sorti de Makkah pou alle reste dans Madina). C’est au cours de sa l’année là ki Roza (As-Sawm) pendant le mois de Ramadhan ti ordonné par Allah à bane croyants musulmans. C’est au cours de sa même Ramadhan là ki bane musulmans fine combatte contre bane Quraïsh dans bataille de Badr. Fine mentionné dans bane Hadiths (très probablement pour le premier Eid-ul-Fitr) ki le Prophète (saws) ti tellement fatigué et tellement faible ki li ti bizin appuye lor Hazrat Bilal (ra) pour lever et prononce so Khutba (Eid). Détrois jours avant célébration de Eid-ul-Fitr, Hazrat Muhammad (saws) ti annonce le Sadaqat-ul-Fitr (aussi appelé Zakat-ul-Fitr ou Fitrana), ki ti vine obligatoire pour sak musulman, et bane compagnons (Sahaba) fine contribué généreusement là-dans du moment ki zot fine gagne sa l’instruction là. L’argent ki fine recevoir fine distribué à bane pauvres avant et aussi après bane célébrations de Eid. Le Messager d’Allah (saws) fine toujours accompli bane Namaz Eid en pleine air, dans zone ki reservé pou Namaz (kot zot ti appelle sa, Mussalla). L’endroit ki zot ti fer Namaz dans Madina, en plein air ti trouve à la porte Est de la ville de Madina. Hazrat Muhammad (saws) ti ena l’habitude pou récite bane chapitres Quran couma Surah Qaf (Ch. 50) et Al-Qamar (Ch. 54) pendant so bane Khutba Eid et li ti pé exhorte zot concernant le Taqwa (la crainte d’Allah, la droiture et la protection contre le mal) et l’obéissance envers Allah, et comme bane madames ki ti recevoir l’ordre zot aussi pou vine assister Namaz et Khutba Eid pas ti capave entende bien Khutba ki li ti pé fer, alors nous Nabi Kareem (saws) ti ena la courtoisie pou marche vers zot en passant dans bane rangs de bane z’hommes et ti pé prêche avec zot aussi, lor la nécessité pour zot pou sécurise zot places dans Jannah (paradis) et pou gagne protection contre difé l’enfer en faisant la charité. Rapporté par Ibn Abbas (ra): Le jour d’Eid-ul-Fitr le Prophète ti accompli deux Rakat Namaz, sans faire aucaine les autres Namaz, soit avant, ou sois après sa. Ensuite li fine alle kot bane madames accompagné de Bilal. Li fine conseille zot pou donne la charité

4

et zot fine commence donne (la charité) en grand nombre, (kot tandique ki) ene ti pé donne so zonons, et l’autre (ti pé donne) so la chaîne. (Bukhari & Muslim). Fine mentionné dans bane Hadiths couma Hazrat Muhammad (saws) ti célébré so Eid. Rapporté par Hazrat Aisha (ra), la femme du Saint Prophète (saws): « Le Messager d’Allah fine rentre kot moi pendant ki deux tifilles ti pé chante bane chanté lor Bataille de Bu’ath (c'est-à-dire, lor la victoire ki bane Aus ti remporter lor bane Khazradj, deux tribus de bane Ansars avant l’Islam). Li fine alle allonger lor lili en tournant so lédos avec nous. Après sa, Abu Bakr fine vini et li fine oulé fer zot aller en criyant: « Quoi! Bane chanté de Shaytane kot le Prophète? » Alors Rassoollullah (saws) fine tourne vers li et fine dire li: « Laisse zot! » Ensuite, kan Abu Bakr so l’attention ti ailleurs, mo fine fer signe avec sa deux tifilles là et zot fine aller. Sa ti le jour de Eid et bane noirs ti pé fer ene jeu avec bouclier et lance. Le Messager d’Allah, soit ki mo fine demande li, ou sois li fine propose moi, fine dire moi: « Eski to oulé guette sa bane jeux là? » Mo fine réponne, « Oui ». Alor li fine fer moi deboute derrière li, kot mo la joue ti pé frôle avec so la joue, et li ti pé dire: « Allez Ô Bani Arfida. » Ensuite, kan mo fine assez guetter (sa spectacle de jeux là), li fine dire : « To satisfait? ». Mo fine réponne li, « Oui ». Alor li fine dire moi: « Eh bien, aller ». (Bukhari & Muslim). Sa anecdote là fine mentionné différamment dans ene l’autre Hadith kot fine rapporté ki Hazrat Muhammad (saws) fine faire Hazrat Abu Bakr (ra) comprend ki « sak nation ena ene Eid, et c’est nous Eid sa (c’est-à-dire, Eid de bane musulmans) ». Par conséquent, li pas correcte pou blesse lé cœur de bane dimounes en refuse zot ene ti plaisir ki pas bien grave, et d’ailleurs, sa instrument et chanté là ti fer par bane ti tifilles et Hazrat Muhammad (saws) pas ti envie blesse zot sentiments. Le Saint Prophète Muhammad (saws) fine donne nous meilleur l'exemple ki ene être humain capave ena afin pou accède à la présence d’Allah de la meilleure façon. So Sunnah (façon pou comporter/ so bane pratiques) et Hadiths (c’est-à-dire, bane mots précieux ki li fine prononcé pour la préservation de l’islam) bizin maintenir vivant pour toujours par tous bane musulmans. Insha-Allah, nous bizin prouve au monde ki l’islam li vraiment la religion de la paix et de la fraternité, ki nous Saint Prophète Muhammad (saws) ti en effet le meilleur modèle pour l’humanité. Nous bizin faire disparaître de l’esprit de bane dimounes, la notion d’ene prophète assoiffé de sang ki sa bane dimounes là ena lor nous Nabi Kareem (saws). Nous bizin présente bane tels bons l’exemples kot nous pas laisse zot

5

aucaine choix excepté pou dire ki nous, bane musulmans, nous bane dimounes ki prêche et envie la paix, et non pas bane rébelles et bane tueurs assoiffés de sang. Nous, bane musulmans, nous ena ene travail extrêmement important pou faire lor la terre. Sakaine d’entre nous ena le devoir pou donne le message de l’unicité d’Allah (Tawheed) à bane dimounes et pou invite zot pou soumettre à Li tousel, mais avant ki nous prêche à bane les autres dimounes, nous bizin tout d’abord raffine nous avec bane qualités tellement excellent ki pou reflécter la beauté de l’islam dans liziés et les cœurs de bane dimounes. Couma zot conné, nous Nabi Kareem (saws) ti la personnification du Quran Shareef. Tout saki Allah fine commande li faire, li fine faire, kot li fine excelle tous bane les autres dimounes dans l’exécution de sa bane commandements là. Li ti bizin rempli sa bane obligations divines là afin ki nous capave trouve so bane pratiques et lire so bane paroles et ki nous imite li. C’est de sa façon là ki nous pou capave atteindre la perfection en temps ki ene humain, seulement en suivant so l’exemple et en donnant au monde ene morceau de sa l’état magnifique et rempli de joie là, parski c’est par la soumission à Allah seul ki nous pou capave atteindre bane niveaux élevés de l’amour divine et pou accéde en So présence. C’est en effet saki mo souhaité pour sakaine de mo bane disciples et suivants sincères, et tous bane ki prend ene plaisir immense pou écoute mo bane conseils et mette zot en pratique. En tant ki Khalifatullah (Calife d’Allah) de sa l’époque, mo là pour donne zot bane bonnes nouvelles de l’amour et de la miséricorde d’Allah ki pé attane zot si zot soumette zot à Li tousel et obéir So bane commandements. Bane ki fer sa, zamais pou perdants. Au contraire, zot pou gagnants, surtout dans dernier lieu de repos, c’est-à-dire, dans paradis; le paradis de l’amour et du plaisir d’Allah. Mo termine mo Khutba d’Eid-ul-Fitr lor sa bane paroles là et mo souhaite à tous mo bane disciples et suivants bien-aimés et tous mo bane les autres frères, sœurs et zenfants musulmans ene Eid Mubarak. Ki Allah accepter zot bane sacrifices, pardonne zot tous et admette zot dans So miséricorde et So l’amour. En effet, bane ki Allah content zamais pas pou malheureux. Pou ena ene Eid éternel pour zot, mais comme le mot Eid implique également ene certain degré de malheur, alor, sa li faire référence à tous bane zéfforts et tous bane épreuves ki zot bizin traverser afin pou atteindre le plus haut niveau de l’estime et de l’amour d’Allah. Insha-Allah, Ameen. Encore ene fois, mo souhaite zot tous Eid Mubarak.