Líé'nzɑ̄ cà'sǐ pʉ̌nzhwíé ntám ngə̀'
-
Upload
rodrigue-tchamna -
Category
Documents
-
view
217 -
download
3
description
Transcript of Líé'nzɑ̄ cà'sǐ pʉ̌nzhwíé ntám ngə̀'
www.resulam.com
Page 1 of 2
Líé'nzɑ cà'sǐ pʉnzhwíé ntám ngə' Jour de fête des femmes dans le monde
Mbí mɑvō!
Mbə' mbūānì mʉnzhwīē mɑvō
Wò yì ò lɑ mɑ ìngén hɑ tū ō nɑ tū á ndəb nkǒ’zí ndʉɑkǎ’ndāk lɑ
Ŋū vʉ'ʉ ò lɑ ŋɑ' á vǎm ò lɑ
Ndáh ā náh ngén kò ncám nʉɑ
Ndáh ā náh ngén pīī ntū' nshì
N nhɑ ō ntíé ngǎngà
Yà ntūmbhì wúzɑ lɑ' nɑ pēn zō
N dɑ zhǐ'sí mbʉɑ nǎk nɑ mbō mō
Wò bɑ lɑ' nkəə yà wúzɑ ntìè' nsə' lɑ sì mɑ nshù á lɑ
N dɑ' tō' mbʉɑ ghè'é, ò yɔ mēn mbə' njā' nshì náh kōmsī ā, n ndīē mbə' lōh
N ndī' dīē, ò nə' ngǎk à
www.resulam.com
Page 2 of 2
N ndɑ' mbɑ tɑ ncō ghòò, ò ghōō tɑ nshʉɑ ā, ngé'é mbɑ ghè’è
Ò lɑ’ làhā nà' náh nsī' mbɑɑntèn ā, ɑ pǎ'těn sì zhī ā
Ndhī lɑ' hɑɑ ná à, ò lāhā yā' náh mbɑ', m mfōh wènòk.
Béé nkə'nì lě ghɑ'mbō!
Pɑ n ngʉ lāhā tɑ náh mbɑ' yáá mbú ò?
N ndɑ' lī' ghěn zʉ'ŋwɑ'nì, ò mɑ' mēn tók lʉɑ' pʉɑ à, mɑ n ncō nɑ hwīēsì nzɑ
M mfhʉ mbūànzɑ, ò sōh nā à, ndáh mēn pǎ'mvāt náh nsī'
Mɑvō, ǒ sì ghʉ mēnsəə yá'nthʉ nɑ à
Wèn pìé mɑ ā, mɑ nǔ ghʉ ī yǐ ndòm sīēcɑ'.
Kòrēà Njàmndàk, líé'nzɑ 8, Mbàkngòfāt, 2015.
Fáhtìé mɑvǒ Dənkām Sīēwèn pí Shck Cǎmnà'.